Safar ka Elaan
A Nazm by Faridoon Shahryar
Hava ne kanon mein kaha
Kya tum tayyar ho
Ek aise safar ke liye
Jo tasavvur se koso door hai
Jahan phaila beshumar noor hai
Ankhon par rashk aata hai
Beshkheemti khazana samete
Mukammal duniya ke tabeer ki khwahish ko
Sach hota dekh paani ki khushkhismati
Sabko naseeb nahin hoti
Barfeele paani mein haathon ko dalo
Elaan karo, haan main safar ke liye tayyar hoon
Haan, bulandiyon ka main yaar hoon
#FaridoonShahryar
No comments:
Post a Comment