Besukooni ke saaye

Sitam kya khoob in havaon ne dhaaye hain

Had-e-nigaah tak besukooni ke saaye hain

#FaridoonShahryar

Nafrat mujhe raas na aayi

Nafrat mujhe raas na aai

A Nazm by Faridoon Shahryar

Jo tum chaahte thhe

Bilkul vaise hi hua

Main apne saaye se

Besakhta juda hua

Aks meri mohabbat ka

Peeche chhod aaya hoon

Maaf karna 

Nafrat mujhe raas na aai

Gul-e-tehzeeb

Gul-e-tehzeeb ki khushbu sab ko mayassar ho

Is chaman-e-hasrat ko chalo sanvaara jaaye

#FaridoonShahryar

Hairatzada himaqat

Nasamajh kahoon ya ahmaq tumhe 

Hairatzada himaqat sadme mein hai

#FaridoonShahryar

Muradon ka janaaza

Ek majma sa laga hai iradon ka

Janaza uthne ko hai muradon ka

#FaridoonShahryar

Zavaal

Ye to bus jhaanki hai

Zavaal abhi baakhi hai

#FaridoonShahryar

Chup chaap

Chup chaap

Nazm by Faridoon Shahryar

Khanjar se na poocho

Marham kaun lagayega

Ankhon ka pyala

Khaali ho jayega 

Afsos na karna 

Unhe phir bhi

Taras na aayega 

Bus yuhin 

Cheentiyon ki tarah

Line bana kar

Chalte rahna

Chup chaap

Chup chaap

Chup chaap.

Jahalat ki qismat

Samajhdaari se sangat sayanon ki fitrat

Jahalat ki qismat, begangi ka fasaana

#FaridoonShahryar

Fizool

Is raat ki sehar ka intizaar fizool hai 

Ye aisa pehar hai jo tham sa gaya hai

#FaridoonShahryar

Tum se hi seekha hai

Tum mere khwabon par zaroor yaqeen rakhna

Tum se hi seekha hai pankh phelana maine

#FaridoonShahryar