Khamoshi

Khamoshi

A Nazm by Faridoon Shahryar 

Khamoshi 

Har simt 

Mayassar hai,

Raat 

Se kah do, 

Seher ka imkaan

Namumkin hai

Aansuon ki saughat

Aansuon ki saughaat le kar jo tum aaye the, kuch kaha bhi hota 

Hum bhi apna haal sunaate, tanha dil kab se rone ko betaab hai

#FaridoonShahryar

Hamari Zindagi

Raat aaj phir bohot lambi hone waali hai 

Lekin ek ajeeb sa sukoon kyun taari hai

Koi kahin shayad hum ko bhi sochta hoga

Us ko khabar pohcha do, wo zindagi hamari hai

#FaridoonShahryar

Mera qatl

Jis shiddat se mere qatl ka intezaam karte ho dost 

Kaash kabhi dosti ki koshish karte, hum khud hi marr jaate

#FaridoonShahryar

Bewafa se wafa

Wafadaari ke imtihaan mein nakaam hi hona tha
Ab bewafa se ishq koi nibhaye bhi kaise

#FaridoonShahryar

Khona chaahta hoon

Tumhe haasil nahin paana chaahta hoon 

Apne aap ko thoda aur khona chaahta hoon

#FaridoonShahryar

Fareb

Fareb 

A Nazm by Faridoon Shahryar

Khamosh Raat

Se baatein karta hoon

Phone ki roshni mein

Tanhai se roobaroo ho kar 

Tumhe ek baar phir 

Yaad karta hoon 

Faasla ab achcha sa

Kyun lagta hai

Pata nahin 

Khamosh raat 

Se baatein karna

Khwabon ke fareb se

Shayad kahin behtar hai

Saleeqa

Zindagi jeene ka saleeqa sikhaane aaye hain 

Jo apne ghar ko tinka tinka bech aaye hain 

#FaridoonShahryar

Ajnabi dost

Ye to achcha hua, tum ajnabi se ho gaye ae dost

Kabhi saamna hua, ho sake to muskura dena

#FaridoonShahryar

Aur kya kahen

Jaisa socha tha hum ne bilkul vaisa hi hua hai sab 

Aur kya kahen, kahne ko kuch bhi raha nahin hai ab

#FaridoonShahryar

Tum hi tum ho

Tum paas na sahi, duur bhi to nahin 

Har simt jahan dekhoon bus tum hi tum ho

#FaridoonShahryar

Kisi aur bazm ki yaad

Har koi apne hi mein mashghool sa nazar aaya

Hum ne phir se kisi aur bazm ko yaad kiya aaj

#FaridoonShahryar

Akela aasmaan

Aaj raat barf ka savera hai

Mera aasmaan, phir bhi akela hai

#FaridoonShahryar

Kirdaar aur lahja

Baat karne ka lahja badalta sa rahta hai 

Tumhaare kirdaar mein zarf ki kami hamesha se thi

#FaridoonShahryar

Bhoola hua Khwaab

Bhoola hua Khwaab 

A Nazm by Faridoon Shahryar 

Tum koi yaad nahin, 

Kal ki kahi koi baat nahin,

Tum ek jazba ho 

Aas ho, ahsaas ho

Bhula do mujhe ab

Jaise koi khwaab ho

Mayoos qissa

Qissa vo khatm kar bhi doon, haasil magar aayega kya

Tanha main kal bhi tha, mayoos main aaj bhi hoon 

#FaridoonShahryar

Mayoos Qissa

Qissa vo khatm kar bhi doon, haasil magar aayega kya

Tanha main kal bhi tha, mayoos main aaj bhai hoon 

#FaridoonShahryar

Kirdaar ke rang

Mohabbat ki tasveer mein kuch kami si rah gayi

Kirdaar ke rangon ko utarte dekha hai hum ne 

#FaridoonShahryar

Beimaan maqsad

Jo chaaha tha maine vo hua nahin ab tak

Zinda rahne ka maqsad beimaan sa kyun hai

#FaridoonShahryar

Jhootha hi sahi

Jab bhi sach bola, dhokha hi khaaya hai maine

Main jhootha hi sahi, tanhai hai azeez mujhe 

#FaridoonShahryar

Khwaab aur Haqeeqat

Chaaha to bohot ki tumhe apna bana sakoon 

Khwabon ne magar haqiqat se mooh mod liya

#FaridoonShahryar

Zillat se samjhauta

Koshish bohot ki maine apni ana se mooh modne ki 

Jurrat ne mujhe zillat se samjhauta na karne diya 

#FaridoonShahryar

Junoon aur Jazbaat

Jazbaat saje hain har taraf, jazbaton ka kya hai

Sahi kya hai khabar nahin hamein, junoon ye kaisa hai 

#FaridoonShahryar

Fareb

Zindagi ne itne fareb diye ki na jaane kab 

Main bhi farebi ho gaya aur afsos bhi na hua

#FaridoonShahryar

Qadr

Meri qadr ki hoti to kuch aur hi baat hoti 

Tum agar chaahte, yeh raat aisi siyaah na hoti 

#FaridoonShahryar