Zom hai zahanat ka

Zom hai zahanat ka, fikr hai zamaane ki 

Hijaab zulmaton par hai, zikr hai karnamon ka

#FaridoonShahryar

Ae hamnafas

Ae humnafas, wafa ki intiha maangtey ho 

Mujh hi se mere hone ki wajah maangte ho 

Saanson ka, dil ke dhadakne ka, sabab kya hai

Ahl-e-mohabbat ka tum hisaab maangte ho 

#FaridoonShahryar

Mohtaaj nahin

Meri pehchaan kisi aur ki mohtaaj nahin 

Manzilen mil hi jaati hain aksar deewanon ko

#FaridoonShahryar

Chalo Saham Jaayen

Bahut shor hai, aandhiyon ka daur hai 

Chalo khamoshi ikhtiyaar kar sahem jaayen hum 

#FaridoonShahryar

Tahaffuz

Unse tahaffuz ki tavaqqo hum kya karen 

Jo apne ghar ko khud hi dhuaan kar baithe 

#FaridoonShahryar

Ilm ka junoon

Unhe ilm hai ki tumhe ilm ka junoon hai 

Tavajjo ki shabnam se is raat ko tarr kar do

#FaridoonShahryar

Wafaat ka intizaam

Meri wafaat ka intizaam hi tumhara junoon tha

Qismat to dekho, tum yahan bhi nakamayab nikle 

#FaridoonShahryar 

Achche na bano

Zyada achche na bano is jahannum mein 

Jeete jee marne ka ranj to bahut hoga 

#FaridoonShahryar

Maazi ka samandar

Meri shanakht

Meri shanakht kya hai, ye tum kya jaano

Is safar mein tanz rahbar rahe hain aksar 

#FaridoonShahryar

Mohabbat kya hai

Dars dete hain hamein wafaadari par

Jinhe ye pata nahin, mohabbat kya hai

#FaridoonShahryar