Seher ab door nahin

Seher ab door nahin 

A Nazm by Faridoon Shahryar

Maine raat ke kaanon mein

Kuch kahne ki koshish

Inhimaak se ki hai shayad

Aankhon ke samandar se

Seepiyan batoro,

Ret ke jazeere ko

Salaam karo,

Khwabon se kaho

Seher ab door nahin

Sab theek hai

Sab theek hai

A Nazm by Faridoon Shahryar

Afsos ka jaama pahne, 

Subah ne phir dastak di hai

Raat toofan sa barpa tha

Baarish cheekh rahi thi

Phir maut ka sannata

Ab sab dhul chuka hai

Sab theek hai

Utho kaam par lag jao

Bus yaad rahe

Sab theek hai...

Awara Dhamkiyan

Awara dhamkiyan 

Nazm by Faridoon Shahryar

Mujhe tumhari khamoshi 

Khalti nahin hai

Ye tumhara dastaqat hai

Zulm ki hadon ka dayra

Vasih hota jaata hai

Khoon ki siskiyan

Awara dhamkiyan

Doston ki aankhon mein

Beparwah masarratein

Bemurawwat ho tum 

Beniyaaz bhi

Mujhe tumhari khamoshi...

Takabbur

Ye raat nigehbaan nahin, is ka ilm sab ko hai

Koi hamaare saath nahin, is ka ilm sab ko hai

Zulm siyah hai, khanjar ki nok lahu maangti hai

Takabbur haivaan ka sheva hai, is ka ilm sab ko hai

#FaridoonShahryar