Sailaab ki peshengoi

Aansoo kamzor nahin hain

Ye sailaab ki peshengoi hain

#FaridonShahryar

Lamha e Aziz

Aaj ki raat neend se samjhauta mushkil hai 

Naghma-e-zindagi hai lamha-e-aziz

#FaridoonShahryar

Savalia nishaan

Savalia Nishaan

A Nazm by Faridoon Shahryar

Naam ke fitoor mein 

Bhediyon ka jashn ye

Azm ka gumaan hai 

Waqt ki kamaan mein 

Teer koi raha nahin 

Wajood jiska tha nahin

Wahi to bus azeem hai

Mustaqbil ka aaina bus

Ek savaliya nishaan hai

Sone na diya

Socha zaroor tha jaldi so jaoonga 

Khwabon ne mere mujhe sone na diya 

#FaridoonShahryar

Zeher

Koi to hai jo sochta hoga shaayad

Fiza mein itna zeher ghula kyun hai

#FaridoonShahryar

Fitrat

Sharaait manzoor nahin mujhe

Fitrat mein meri zanjeerein nahin hain

#FaridoonShahryar

Khushbu ka gumaan

Khushbu ka gumaan

A Nazm by Faridoon Shahryar

Talqiyon ne sharminda 

Kuch is tarah kiya

Murjhaaye phoolon

Mein khushbu ka 

Gumaan bhi na raha

Aansuon mein 

Doobi hui kyariyan

Mitti ki nami se 

Khaufzada hain

Yahan bus khoon hai

Aur..

Saaya paraya hua

Saaya paraya hua

A Nazm by Faridoon Shahryar

Sitam ki raat 

Tezab liye 

Sar par 

Musallat hai

Darwaaza khola

Dilasa diya 

Aur phir 

Dost ne 

Ahsaan ka

Haath kuch

Aisi berahmi 

Se badhaya

Jaise Saaya

Paraya hua

Afsos, dil 

Kisi apne ne 

Ek baar phir 

Toda hai.