Gavah Nahin Koi
By Faridoon Shahryar
Zaheen log hain wo
Jo mauqe ki nauyiyat ko
Samajhte hain
Hawa ke saath behne
Mein hi samajhdaari hai
Wo ye jaante hain,
Maante hain
Har ek us baat ko
Jo kamyabi ki aahat se
Unke vajood ko
Mukammal karti hai.
Insaniyat par unki shuk hai
Neki se unhen parhez hai shayad
Qatl Jo sabke saamne hua
Gavah nahin uska koi.
No comments:
Post a Comment