Qismat mein Azmat

Qismat mein Azmat

Nazm by Faridoon Shahryar

Vo kahte hain 

Is khauffnaak raat ki 

Subah shayad

Kabhi na ho, 

Aur main hoon ki

Andhere se 

Dosti kar baitha.

Kuch bhi ho jaaye

Mere fun ka meyar 

Chamkega,

Meri qismat mein 

Azmat hai,

Main roshan hoon 

Aur goonjoonga bhi main.

Vahshat e Zindagi

Hamein nazarandaaz kar ke aap pachtaiyega 

Is vahshat-e-zindagi se bach ke kahan jaiyega

#FaridoonShahryar

Ek aur jung

Vo saazish kar rahe hain meri maut ki

Aur main ek aur jung jeetne waala hoon

#FaridoonShahryar

Deewane hain hum?

Tanhai ke atraaf mein kuch zarre mohabbat ke mile hain hamein

Khushqismat hain ya khushfahm, ya phir deewane hain hum?

#FaridoonShahryar

Kyun

Kyun
Nazm by Faridoon Shahryar

Stage par
Roshni kuch
Yun saji hai
Jaise mere khwaab
Apne wajood se
Mukhatib hon,
Taaliyon ke guldaste
Mehekne ko
Betaab se kyun hain
Khauff ab mujh se
Duur duur sa rahta kyun hai
Tanhai aziz hai mujhe ab
Khud ki dosti par itna bharosa
Aakhir kyun hai? 

Raat ki avaam

Raat ki avaam ka bus itna sa fasaana hai

Aankhon mein dhokey hain aur khwabon ka bahaana hai

#FaridoonShahryar

Lamhon ka sailaab

Kal lamhon ka sailaab tha hamaare beech

Aaj ek lamha bhi nahin hai aalam mein