Nafa

Ek jamaat aisi bhi banayi jaaye

Jahaan nafa sirf aur sirf mera ho

#FaridoonShahryar

Markaz

Koi markaz talaash karna maqsad nahin hai 

Junoon-e-safar mein bus hararat rahna chahiye 

#FaridoonShahryar

Matlab ki tijarat

Matlab ki tijarat

Nazm by Faridoon Shahryar

Nafrat ke kharidaron 

Se kuch kahna fizool hai,

Vo jo bebaak hain 

Vahi to aasayishon ke

Makhmal mein giraft hain

Waqt ki peshaani par 

Darj ho raha hai

Matlab ki tijarat

Ka har vo qissa 

Jo qahar ki aamad ka

Besaqta zimmedar hai.

Manzil e Meherbaan

Maine har koshish se raabta kiya hai 

Manzil-e-meherbaan ab mil bhi jao

#FaridoonShahryar

Funkaar

Funkaar 

A Nazm by Faridoon Shahryar 

Ye duniya agar mil bhi jaaye

To kya karenge aisi duniya ka

Jahan takhleeq hoti hain 

Roz aisi tasveeren 

Jahan zard rang 

Gaadha aur gaadha 

Hota jaata hai

Sharm aati hai 

Apni bechargi par 

Zulm ke aage ek baar phir

Maine maatha teka hai

Sab theek hai

Sab Theek Hai

A Nazm by Faridoon Shahryar 

Ghum ko aaghosh mein 

Liye phirte hain 

Girte hain 

Bikharte hain 

Milte roz hain

Khaufnaak mustaqbil se

Aur sunte hain 

Khoon mein lipti

Dhamkiyon ko

Jo hamein yaqeen dilati hain

Sab theek hai

Kaho, sab theek hai

Beniyaaz kashtiyaan

Saahil par baithi kuch beniyaaz kashtiyaan 

Lehron ko doobte hue itminaan se dekhti hain 

#FaridoonShahryar