Karaboar I junoon

Karobar-i-junoon mein masroof hoon main

Zindagi ka pata shayad mil gaya hai mujhe 

#FaridoonShahryar

Shor ka sannata

Shor ka sannaata

A Nazm by Faridoon Shahryar

Raat ke is peher kya sochta hoga ye sannata

Ummeed ka koi bhi aasra kyun nazar nahin aata

Sharminda hoon ki cheekhta kyun nahin main

Shor mere wajood se door kyun nahin jaata

Sukoon ka taaqub

Ilzaam ye hai ki koi gunaah nahin hai

Rishta hi bus mera apne aap se nahin hai

Sukoon ka taaqub hai ek nayaab marhala

Jung mein tadapna hai, marna nahin hai

#FaridoonShahryar

Zindagi se rubaroo

Mohlat mili hai ek baar phir zindagi se rubaroo hone ki 

Besakhta bahe ja rahi hai deewangi mere chaaaron taraf

#FaridoonShahryar

Rihayee

Josh-e-jashn mein vo baat nahin 

Maza afsurda sa kyun hai, rihaaee ka

#FaridoonShahryar

Majboori si lagi

Maine koshish to bahut kari tumhaari nazron mein uthne ki 

Afsos ae dost, har koshish tumhen meri majboori si lagi

#FaridoonShahryar

Fareb ki dastaan

Ye mohabbat ke daave, ye wafa ka junoon 

Deewane ne fareb ki dastaan kya khoob sunai

#FaridoonShahryar