Masroof Tanhai

Masroof Tanhai

A Nazm by Faridoon Shahryar 

Jidhar dekha 

Har shaqs 

Apne hi mein 

Masroof nazar aaya

Kis se shikayat

Kyun ye khafgi 

Hamein to duniya mein

Har shaqs 

Tanha hi nazar aaya

Dhoondta hoon sukoon

Dhoondta hoon sukoon

A Nazm by Faridoon Shahryar 

Koi maqsad nahin

Phir kya hai zindagi 

Kaisa hai ye junoon

Kyun hai ye aarzoo

Gar yaqeen nahin tumhe

Phir kyun hai ye justujoo

Jise mahsoos kar sakoon

Dhoondta hoon vo sukoon

Jab waqt mile

Jab waqt mile

A Nazm by Faridoon Shahryar 

Yaadon ki kirchanon ko

Dil ke kisi kone mein

Hifazat se saja loon 

Aur jab waqt mile,

Thoda muskura loon.

Khamoshi

Khamoshi

A Nazm by Faridoon Shahryar 

Khamoshi 

Har simt 

Mayassar hai,

Raat 

Se kah do, 

Seher ka imkaan

Namumkin hai

Aansuon ki saughat

Aansuon ki saughaat le kar jo tum aaye the, kuch kaha bhi hota 

Hum bhi apna haal sunaate, tanha dil kab se rone ko betaab hai

#FaridoonShahryar

Hamari Zindagi

Raat aaj phir bohot lambi hone waali hai 

Lekin ek ajeeb sa sukoon kyun taari hai

Koi kahin shayad hum ko bhi sochta hoga

Us ko khabar pohcha do, wo zindagi hamari hai

#FaridoonShahryar

Mera qatl

Jis shiddat se mere qatl ka intezaam karte ho dost 

Kaash kabhi dosti ki koshish karte, hum khud hi marr jaate

#FaridoonShahryar