Aakhri shab par pahra

Aakhri shab par pahra hai kiraaye daaron ka 

Makaan maalik ghar bechne par aamaada sa hai

#FaridoonShahryar

Sab ghalat, main sahi

Sab ghalat, main sahi, bus itna sa farmaan hai 

Mil ke aao baat karen, tum suno, main kahoon

#FaridoonShahryar

Mukammal

Tum apna sarmaya mujhse chhupa lo, ye tumhari marzi, 

Mera wajood bus tumhare ahsaas se mukammal hai

#FaridoonShahryar 

Besukooni ke saaye

Sitam kya khoob in havaon ne dhaaye hain

Had-e-nigaah tak besukooni ke saaye hain

#FaridoonShahryar

Nafrat mujhe raas na aayi

Nafrat mujhe raas na aai

A Nazm by Faridoon Shahryar

Jo tum chaahte thhe

Bilkul vaise hi hua

Main apne saaye se

Besakhta juda hua

Aks meri mohabbat ka

Peeche chhod aaya hoon

Maaf karna 

Nafrat mujhe raas na aai

Gul-e-tehzeeb

Gul-e-tehzeeb ki khushbu sab ko mayassar ho

Is chaman-e-hasrat ko chalo sanvaara jaaye

#FaridoonShahryar

Hairatzada himaqat

Nasamajh kahoon ya ahmaq tumhe 

Hairatzada himaqat sadme mein hai

#FaridoonShahryar