Kaash...

Kaash ek maqaam par aa kar main ruk gaya hota

Vo meri baat ki yaad rah jaati to achcha hota

#FaridoonShahryar

Aazmaish

Zyada aazmaish ki tamanna na karen 

Ye vo daur hai jo khud ka bhi nahin hai

Tabassum ka fareb

Aankhon mein tabassum ka ek khoobsurat sa fareb hai

Heera ho tum ya jo kuch bhi ho, shukriya tumhara tahe dil se shukriya

Thanks and Regards
Faridoon Shahryar

09821042063

Ab Ye Raat

Ab ye raat

A Nazm by Faridoon Shahryar 

Ab neend nahin

Jashn hai khwaab ka

Jo jaagti aankhon mein

Tahleel 

Kuch is tarah se hai

Jaise josh-i-zindagi

Mera sarmaya ho

Ab ye raat 

Mujh mein hai

Aur main....

Khwaahish Darakht

Khwaahish Darakht

A Nazm by Faridoon Shahryar

Aag mein jhulas ke

Khaak na hue 

Paak hain 

Zinda hain

Vo khwaab 

Jo dafn thhe 

Khwaahish darakht ke

Bohot neeche

Duniya khatm na ho

Bus yahi hai dua

Hunar ki daulat 

Ab mujhe sarshaar kar.

Khamosh Raho

Khamosh Raho

Nazm by Faridoon Shahryar

Have ne Kaha

Khamosh raho

Shor hai bohot

Jungle ki aag hai

Thamegi nahin

Koi bhi shayad

Bachega nahin

Nafrat ki baarish

Mein bheegte raho

Bhaagte raho

Harr us avaaz se 

Jo tumhe bulaye 

Apni jaanib

Darr jao 

Kho jao

Aur haan

Khamosh raho.

Azmat ka aitraaf

Ye chaand, nazariya hai, azmat ke aitraaf ka

Koi kahin hum par bhi faqr karta hoga shayad

#FaridoonShahryar

Ghulam Nahin Hoon Main

Ghulam nahin hoon main

A Nazm by Faridoon Shahryar

Ghulam nahin hoon main

Kisi ki soch ka

Koi bhi nahin

Jo khareed sake mujhe

Itna aasaan nahin

Haasil karna mujhe 

Ana kaho 

Ya jo kuch bhi kaho

Hunar par iqtiyar

Ab sirf mera hai

Ghulam nahin hoon main.

Tanha Chaand

Chaand baadal ki aaghosh mein bhi tanha hai

Azm se mohabbat deewana sa bana sakti hai

#FaridoonShahryar

Khamoshi ke siva

Khamoshi Ke Siva

A Nazm by Faridoon Shahryar

Barf ke sahra mein

Khamoshi ke siva 

Kuch aur bhi hai,

Dhuan sa hai 

Muraadon ka

Masoom khwabon ka

Jaaga hua hoon main

Soye hue hain vo

Jinhe qadr nahin

Mausam-i-zindagi ki

Raat ke ujaale mein

Subah ka

Muntazir hoon main

Kaafi mutmayin hoon main

Toofan ki aamad ka

Jashn manaana hai

Kuch kho ke hi

Bohot kuch paana hai

Barf ke sahra mein

Khamoshi ke siva

Kuch aur bhi hai.

Justuju Junoon Ki

Justuju Junoon ki

A Nazm by Faridoon Shahryar

Khud ko maaf kar 

Ek aise hunar 

Ko apne gale 

Yun lagaya hai

Jaise aur koi nahin

Bus main hoon

Aur apne siva

Kisi ka nahin

Hoon main

Bus khud mein

Bechaini ki talaash

Aur justuju 

Sirf aur sirf

Junoon ki.

Haseen ittefaaq

Kuch aisa haseen ttefaaq thha aasmaan mein
Tum nahin, na sahi, tumhaara ghum bhi nahin jahaan mein
#FaridoonShahryar

Nahin Chahiye

Nahin Chahiya 

A Nazm by Faridoon Shahryar

Har vo rishta 

Jo mujhe 

Mere wajood se

Duur karta ho

Har vo haath

Jo saath nibhaane ka

Daava karke 

Saude ka 

Ailaan karta ho

Har vo ahsaas jo

Zehen ke goshe mein 

Zahanat ki tajveez 

Karta ho 

Nahin chhahiye 

Kuch bhi jo

Mujhe roke 

Haan

Koi bhi 

Bus....

Dil Ko bahlaaye rakhna

Dil Ko Bahlaaye Rakhna

A Nazm by Faridoon Shahryar 

Gayi raat 

Sahmi hui khamoshi ne

Mujhe aaghosh mein

Liya tha

Maanta hoon.

Jaanta hoon,

Khauff ki dhund

Safar ke lazzat ki

Dushman hai, 

Dil ko bahlaaye 

Rakhna hi shayad

Haq mein hai mere.

Yaad rakhna

Main kar guzarta hoon

Jo bhi main

Thhaanta hoon.

Junoon gar nahin....

Junoon gar nahin insaan mein to bus itna samajh lijiye

Murda hain aap aur kisi ko afsos bhi nahin aap ke marne ka

#FaridoonShahryar

Sirf Roshan

Sharminda nahin main, bus itna jaan lijiye

Safar-i-zindagi ke is daur mein, sirf roshan hoon main

#FaridoonShahryar

Khushfahmi mein sukoon

Khushqismat nahin main ki koi mujhe bhi apna kahe

Bheed se dosti kar li, khushfahmi mein sukoon hai

#FaridoonShahryar

Munfarid Mera Safar

Munfarid Mera Safar

Nazm by Faridoon Shahryar

Munfarid mera safar

Munharif mere khayaal

Khwaabon se mukhaatib 

Har lamha naya savaal 

Toofanon se dosti

Mohabbaton mein dilchaspi 

Sar utha kar

Dil laga kar

Har roz jeet jaata hoon main

Munfarid mera safar

Munharif mere khayaal

Aisa khwaab

Aisa khwaab dekhiye jo aap ko sone na de

Jo sab karte hain vo hum kiya nahin karte 

Khud se mohabbat

Mohabbat ki hai maine, haan ye aitraaf karta hoon

Koi mila hi nahin, khud ko hi mahboob maan liya hum ne

#FaridoonShahryar