Zaaviya Aur Zavaal

Tumhara ahmaqaana zaaviya, zavaal tak le jaayega 

Aansoo sookh na payenge, lahoo bahta jaayega

#FaridoonShahryar

Shabnam ki nami

Gul ho ya shabnam ki nami ho tum, 

Kisi haseen khwaab ki tabeer ho tum 

#FaridoonShahryar 

Himaqat

Haal-i-dil sunaane ki himaqat kyun ki hum ne 

Hamein har shaqs apne hi mein khoya nazar aaya

#FaridoonShahryar

Ghuroor

Ghuroor aksar ahsaas-i-kamtari ki naav mein savaar hota hai 

Sahil par jab nazar padi, tanhai ki ret ne muskura kar dekha

#FaridoonShahryar

Umeed

Umeed

A Nazm by Faridoon Shahryar 

Shayad umeed 

Kaale baadlon

Ke us paar 

Behtar mausam

Ki dastak de sakti hai

Bohot kuch 

Yaad sa aa raha hai 

Khwaab saj bhi 

Sakte hain 

Lekin ye tay hai 

Aage ka safar 

Jaisa bhi ho

Tanha zaroor hoga.

Mubarak Ho

Mubarak ho

A Nazm by Faridoon Shahryar 

Nazar na lag jaaye kahin

Waqt se pahle

Jeet ka jashn 

Hum manaaye kyun

Kaha dost ne,

Maine kaha,

Jhulasti dhoop 

Samandar raigistan

Toota dil,

Saraab ka saaya 

Hi sahi,

Ek ghadi 

Khushi ki hai

Mubarak ho.

Jab dil tootega

Jab dil tootega
A Nazm by Faridoon Shahryar

Ek baar phir
Dil laga baithe
Ek baar phir
Hum royenge
Saansen nahin
Khoon hai jama hua
Koi umeed nahin
Insaan hai thama hua
Ab ke jab dil tootega
Phir na kabhi hum...

Beaabru

Badnaam karne chale hain hamein vo 

Jo haya ke bazaar mein kab Ke beaabru ho chuke

#FaridoonShahryar

Ravaana hoon

Jab fursat ho, apne hasad ka mujhe nishana banaate rahna 

Kisi aur manzil ki jaanib ravaana hoon, peeche peeche aate rahna

#FaridoonShahryar

Jazba-e-Hausla

Ankhon mein shokhi, zindagi se Ishq ki alamat hai

Safar mein mod aaye kayi, jazba-a-hausla salaamat hai

#FaridoonShahryar