Barf ki tahon ke neeche
Dard besakhta zinda hai
#FaridoonShahryar
Sunday, February 14, 2021
Ae dost gham na kar
Ae dost gham na kar
A Nazm by Faridoon Shahryar
Ae dost gham na kar
Lambi hai dukh ki raat
Chubhte hain zakhm
Zahanat hai sharminda
Darindgi hi hai bus zinda
Aansoo na thamenge
Na hogi samajhdari ki baat
Phir bhi main yahi kahoonga
Ae dost gham na kar
Ae dost gham na kar
Manimugdha Sharma ke liye
Siyaah raat ki siyaahi
Siyaah raat ki sihayi se insaaf likha jayega
Jo hota aaya hai phir se dohraya jayega
#FaridoonShahryar
Ghairon ki wafa
Apno ne na sahi, ghairon ne wafa ki hai
Saath mazloomon ka na diya to kya jiye
#FaridoonShahryar
Nafrat ki fasal
Ghuroor ki mitti mein zulm boya tha
Nafrat ki fasal tayyar hai, mubarak ho
#FaridoonShahryar
Pardaadaari ke maahireen
Pardaadaari ke mahireen
Nazm by Faridoon Shahryar
Wafadaari ka hisaab
havaon se maangte hain
Ret ko mutthi mein
Bund karna
Baqoobi jaante hain
Khareed farokht ke maahireen
Zameer ko
Bikao maante hain
Qadardaan
Pardaadaari karna
Apna farz maante hain.
Kifayat shaari
Izhaar-e-mohabbat mein kifayat shaari
Sahal zindagi yun dushvaar si hoti gayi
#FaridoonShahryar
Subscribe to:
Posts (Atom)