Ravaana hoon

Jab fursat ho, apne hasad ka mujhe nishana banaate rahna 

Kisi aur manzil ki jaanib ravaana hoon, peeche peeche aate rahna

#FaridoonShahryar

Jazba-e-Hausla

Ankhon mein shokhi, zindagi se Ishq ki alamat hai

Safar mein mod aaye kayi, jazba-a-hausla salaamat hai

#FaridoonShahryar 

Tumhari Haan

Tumhari Haan

A Nazm by Faridoon Shahryar 

Jab zaroorat se zyada 

Tanha hua,

Tumne haath

Yun thaama

Jaise main,

Kabhi ajnabi,

Tha hi nahin

Aur kya kahoon

Shukriya ke siva 

Aur kuch kyun sunoon 

Tumhari haan ke siva

Gham

Gham ki miqdaar kuch zyada hai shayad 

Vo khush shakl magar

zahir nahin karta

#FaridoonShahryar

Ankahe rishtey

Kahna bohot chaaha tum se, kah na saka main

Kuch rishtey shayad ankahe hi rah jaate hain

#FaridoonShahryar

Izzat se pesh aao

Izzat se pesh aao, tumhe aasmaan par bithaynge 

Aao chalo saath hamare, tumhe jannat dikhayenge 

#FaridoonShahryar

Manoos

Manoos tum se main kuch yun ho sa gaya hoon
Jaise koi apna mil jaata hai kai sadiyon ke baad

#FaridoonShahryar