Ghalatfahmi

Jinhe naaz hai ki meri majbooriyan unki giraft mein hain 

Ghalatfahmiyon par tumhaari waqt bhi muskurata hoga

#FaridoonShahryar

Ishq e Zindagi

Mausam badalte hain, magar main nahin 

Ishq-e-zindagi ek aadat si hai shayad

#FaridoonShahryar

Shoeb ke naam

Shoeb ke naam

By Faridoon Shahryar

Kuch kaha bhi nahin yaar

Bus suna kiye tum 

Aur soona kar chale 

Adhoora sa vo rishta

Poora kar chale 

Dil ke aziz kone ko

Apna kar chal diye

Mashwara hai mera

Muskurate rahna

Vo aankhen abhi zinda hain

Labon par kuch hararat si hai

Aitmaad

Mohabbat ki pehel hai, imaan ka imkaan rakhna 

Ranjishon ki basti mein aitmaad kahin kho sa gaya hai

#FaridoonShahryar

Mojza

Paseena barf par bahaya hai yun maine 

Jaise koi mojza apne hone se waaqif tha

#FaridoonShahryar

Maazi se qata talluq

Maazi se qata talluq kar liya hai maine 

Mujhe mustaqbil par kaafi bharosa hai

#FaridoonShahryar

Khimaash ke saaye

Libaas badalna ki mashghooliyat mein kuch is tarah masroof rahe tum

Khimaash ke saaye ki taveel vussaton ko kabhi dafn na kar sake tum

#FaridoonShahryar